Tæplega 100 hjúkrunarfræðingar á Landspítala standa enn fast við uppsagnir sínar. Þeir undrast að ekkert hafi verið fundað með þeim um stöðuna frá því 1.apríl.

Boðað vaktafyrirkomulag fyrir skurð- og svæfingahjúkrunarfræðinga á Landsspítala hefur mætt andstöðu og af þeim 104, sem breytingin tekur til, hafa 96 sagt upp störfum. Hjúkrunarfræðingarnir ætla að ganga út á miðnætti 30 apríl - eða eftir hálfan mánuð.

Hjúkrunarfræðingarnir vinna á deildum þar sem 50-60 aðgerðir eru framkvæmdar á dag og alls ríflega 1400 í hverjum mánuði. Sú starfsemi mun raskast ef af uppsögnunum verður.

Anna Stefánsdóttir, framkvæmdastjóri hjúkrunar, sagði í samtali í fréttastofu í dag að unnið væri að málinu, en vildi ekki upplýsa frekar um stöðuna.

Umfjöllun fréttastofu sjónvarps má finna hér
 
www.ruv.is 16.04.2008