„Hann lítur ágætlega út og er allur að koma til,“ segir Atli Bergmann um góðvin sinn Guðmund Tý Þórarinsson, eða Mumma í Götusmiðjunni eins og hann er kallaður.

Guðmundur fékk hjartaáfall í fimmtugsafmælinu sínu á laugardaginn síðasta. Þá var hann staddur á veitingastaðnum Silfrinu í miðborg Reykjavíkur ásamt vinum og vandamönnum. Þegar hann mætti í veisluna um matarleytið fékk hann mikla verki. Að lokum þurfti að kalla til sjúkrabíl.

Í ljós kom að Mummi hafði fengið alvarlegt hjartaáfall og þurfti að gangast undir aðgerð undir eins. Fjölskyldan sat eftir og borðaði saman í von og ótta um að hugsanlega væru dagar Mumma taldir. Það var ekki fyrr en þau fengu eftirréttinn sem góðu fregnirnar bárust; aðgerðin heppnaðist vel og Mummi var á batavegi. Nánar í DV í dag.

www.dv.is 23.07.2008