Aðskildu hjörtu síamstvíburasystra

Fimmtudagur, 05. Apríl 2007 00:00

Ungar símastvíburasystur reyndust mun uppteknari hvor af annarri en myndavélunum þegar þær birtust í fyrsta inn opinberlega eftir að þær voru skildar að. Hjörtu stúlknanna voru meðal annars föst saman. Að öllum líkindum er aðgerðin sú fyrsta sinnar tegundar. Sex vikur eru síðan að stúlkurnar voru aðskildar og voru þær ótrúlega brattar þegar fjölmiðlar fengu að heimsækja þær á spítala þeirra í Bangkok í Tælandi í dag. Systurnar eru nú að verða tíu mánaða og voru foreldrar þeirra að vonum himinlifandi með hversu vel aðgerðin gekk. Stúlkurnar voru samvaxnar frá brjósti niður á kviðinn. Það sem gerði læknum sérstaklega erfitt fyrir er að hlutar af hjörtum þeirra voru tengdir og dældi hjarta annarra systurnar blóði í hjarta hinnar. Alls tóku sextíu og einn læknir og hjúkrunarfræðingar þátt í aðgerðinni sem þeir segja þá fyrstu sinnar tegundar.  vísir.is 05.04.2007