Áföllum fækkað um helming

Þriðjudagur, 31. Janúar 2012 14:25

Dauðsföllum af völdum hjartaáfalla hefur fækkað um ríflega helming í Englandi frá árinu 2002 ef marka má rannsóknir frá Oxford. Frá árinu 2002 til ársins 2010 hefur hjartaáföllum fækkað innan allra aldurshópa og umtalsverð fækkun varð á dauðsföllum í kjölfar þeirra, um 50 prósent meðal karla og 53 prósent meðal kvenna. Mesta muninn mátti sjá í aldurshópnum 65 til 74 ára, en minnst breyting varð hjá 30 til 54 ára og svo 85 ára og eldri. Líklega má kenna auknu offituvandamáli og sykursýkistilfellum um stöðu mála í yngri aldurshópnum. www.visir.is 31.01.2012