Fyrirkomulagi á upplýsingum um mánaðarlegar greiðslur til lífeyrisþega hefur verið breytt. Í stað mánaðarlegra greiðsluseðla verður lífeyrisþegum nú sent eitt ársyfirlit sem sýnir allar greiðslur og þær forsendur sem liggja að baki útreikningi á þeim yfir eitt ár.

Nú er þetta nýja yfirlit í fyrsta sinn sent að vori, en mun í framtíðinni verða sent í lok árs og gilda fyrir næsta almanaksár.

Ef upplýsingar um breyttar forsendur sem hafa áhrif á bótarétt eða fjárhæðir bóta berast Tryggingastofnun, verður sent út annað yfirlit.

Greiðslur verða eftir sem áður lagðar inn á reikninga lífeyrisþega um hver mánaðamót þó ekki verði tilkynnt sérstaklega um hverja innborgun.

Aukin rafræn þjónusta

Tryggingastofnun hefur markað sér þá stefnu að auka markvisst rafræna þjónustu við viðskiptavini sína. Mánaðarlegir greiðsluseðlar eru héðan í frá aðgengilegir á vef ríkiskattstjóra, www.skattur.is. Til að skoða þá þarf viðkomandi að nota sama veflykil og notaður er við framtalsgerð.

Mánaðarlegir seðlar

Samhliða útsendingu á árlegu greiðsluyfirliti verður hætt að senda út mánaðarlega greiðsluseðla, nema þess verði sérstaklega óskað. Þeir sem vilja eftir sem áður fá seðlana senda til sín í pósti geta sótt um það með því að hafa samband við starfsfólk þjónustumiðstöðvar, næsta umboðsmann eða senda póst á netfangið Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. .

Upplýsingasíða um græna umslagið

Af vef Tryggingastofnunar