| Grínistinn George Carlin er látinn |
| Mánudagur, 23. Júní 2008 11:03 |
 George Carlin lést á sunnudag af hjartabilun, 71 árs að aldri. Hann lét leggja sig inn síðdegis á sunnudag og kvartaði um verk fyrir brjóstkassa. Lést hann síðar um kvöldið. Hann hefur átt við hjartaerfiðleika að stríða um nokkurt skeið en lét það ekki hindra sig í að koma fram og gerði það síðast viku áður en hann dó.
George Carlin átti að fá elleftu verðlaun Mark Twains fyrir grin. Hann er einna frægastur fyrir grínsyrpuna: Sjö orð sem þú mátt aldrei segja í sjónvarpi. Carlin sem var einkar beittur í þjóðfélagsádeilu sinni flutti syrpuna um orðin sjö á sýningu í Milwaukee 1972. Var hann þá handtekinn fyrir að raska friðnum. Þegar hún var síðar flutt á útvarpsstöð í New York olli flutningurinn því að hæstiréttur tók málið fyrir 1978 og staðfesti heimild yfirvalda til að sekta stöðvar fyrir gróft orðbragð. George Carlin tjáði AP fyrr á þessu ári að hann væri á einkennilegan hátt stoltur af því að vera neðanmálsgrein í bandarískri réttarsögu. Heimasíða George Carlin George Carlin á Wikipedia.org 
|