Héraðsdómur Reykjavíkur vísaði máli Neistans, styrktarsjóðs hjartveikra barna, gegn Landsbankanum vegna meints brots á eignarstýringarsamningi frá í dag. Styrktarsjóðurinn samdi við gamla Landsbankann árið 2005 um hvernig mætti ávaxta fé sjóðsins. Í samningnum var tekið fram að minnst 90 prósent af fjármunum hans ætti að geyma í ríkistryggðum skuldabréfum.

Sjóðurinn tapaði 20 milljónum króna þegar bankinn hrundi að sögn forsvarmanna Neistans. Að auki kom í ljós að samningurinn frá 2005 var brotinn því lítið sem ekkert af fjármunum sjóðsins voru í öruggum bréfum.

Forsvarsmenn sjóðsins kærðu bankanna vegna þess og kröfðu hann um rúma 21 milljón króna. Verjendur Landsbankans sögðu að í samningnum sem Neisti gerði við bankann hafi hvergi komið fram að ávaxta þyrfti nær eingöngu í ríkisskuldabréfum heldur hafi markmiðið verið að ná sem bestri ávöxtun. Lögmaður styrktarsjóðsins, Jóhann Haukur Hafstein, sagði í samtali við fréttastofu Ríkisútvarpsins íhuga að kæra úrskurðinn til Hæstaréttar.

www.dv.is 21.12.2010