Formaður Læknafélags Íslands segir svigrúm til hagræðingar á Landspítlanum lítið. Henni verði tæpast náð án þess að skerða þjónustu við sjúklinga, og óvíst sé hvort öryggiskerfið haldi. Gert er ráð fyrir að draga úr kostnaði sem nemur um 10% af heildarfjárveitingu til Landspítalans. Hagræða þarf því og draga úr kostnaði sem nemur 2,6 milljörðum króna á árinu.

Birna Jónsdóttir, formaður Læknafélags Íslands, sér ekki að svo mikilli hagræðingu verði náð án þess að skerða þjónustu. Birna segir vitað að laun þeirra sem mestar hafa tekjurnar verði lækkuð. Hún segir að slakt gengi krónunnar hjálpi ekki til.

Forstjóri Landspítalans lagði á það áherslu, í kvöldfréttum Sjónvarps í gær, að ekki verði dregið úr þjónustu við sjúklinga og að öryggi þeirra verði tryggt þrátt fyrir niðurskurð.

www.ruv.is 16.02.2009