Staðan er óbreytt og engin sátt virðist í sjónmáli í deilu Landspítalans og hjúkrunar- og geislafræðinga. Um 100 svæfinga- og skurðhjúkrunarfræðingar og tæplega 50 geislafræðingar hafa sagt upp störfum vegna óánægju með nýtt vakarfyrirkomulag sem tekur gildi á fimmudaginn.

Staðan er mjög alvarleg, segir Vigdís Árnadóttir, trúnaðarmaður skurðhjúkrunarfræðinga á Landspítalanum. Hjúkrunarfræðingar segja nýja vaktarkerfið hafa í för með sér aukið vinnuálag og kjaraskerðingu. Fækka á fólki á vöktum sem mun minnka öryggi sjúklinga.

Í morgun birtist blaðaauglýsing þar sem Landspítalinn auglýsti eftir norskum geislafræðingum en fátt virðist benda til þess að þessi deila leysist fyrir fimmtudaginn. Mjög alvarlegt ástand gæti skapast og afleiðingar gætu orðið hörmulegar, segir Vigdís Árnadóttir.

www.ruv.is 28.04.2008