Of geyst var farið í fyrirhugaðar vaktabreytingar skurð- og svæfingahjúkrunarfræðinga á Landspítalanum. Nær hefði verið að ræða við þá. Þetta er mat Elsu B. Friðfinnsdóttur, formanns Félags íslenskra hjúkrunarfræðinga.

Ástandið verði grafalvarlegt ef uppsagnir tæplega 100 sérhæfðra hjúkrunarfræðinga komi til framkvæmda. 96 af 104 skurð- og svæfingahjúkrunarfræðingum hafa sagt upp á Landspítalanum eftir að tilkynnt var um breytingar á vaktaskipulagi þeirra. Elsa B. Friðfinnsdóttir telur að unnt hefði verið að koma í veg fyrir uppsagnirnar með annarri aðferðafræði.

Elsa segir öryggissjónarmið, ekki kjarasjónarmið, fyrst og fremst ástæðu uppsagna hjúkrunarfræðinganna.Þorbjörn Jónsson, formaður læknaráðs Landspítalans, segir ástandið á spítalanum verða alvarlegt, fari svo að hjúkrunarfræðingarnir hætti störfum.

www.ruv.is 17.03.2008