Á árinu 2010 hefur starfsfólk Landlæknisembættisins og Lýðheilsustöðvar unnið að undirbúningi sameiningar stofnananna sem fyrirhugað var að tæki gildi 1. janúar 2011.

Stjórnarfrumvarp til laga um embætti landlæknis og lýðheilsu var lagt fram á Alþingi þann 11. nóvember síðastliðinn og hefur verið til umfjöllunar í heilbrigðisnefnd Alþingis. Vegna anna á þinginu tókst ekki að ljúka umræðu um frumvarpið fyrir þinglok þann 18. desember en verður haldið áfram strax á nýju ári.

Stefnt er að því að afgreiða frumvarpið fljótlega á nýju ári og að embætti landlæknis og lýðheilsu taki til starfa ekki seinna en 1. mars næstkomandi.

Landlæknir

www.landlaeknir.is 29.12.2010