Leik-og söngkonan Barbra Streisand hefur gefið 5 milljónir dala, andvirði 372 milljóna króna, til hjartadeildar Cedars Sinai sjúkrahússins í Bandaríkjunum. 

Markmiðið með framlaginu er að rannsaka hjartasjúkdóma kvenna, og í tilkynningu frá Streisand segir að þörf sé á að upplýsa konur um hjartasjúkdóma, og leiðir til þess að koma í veg fyrir þá.

Að sögn yfirmanns hjartadeildar Cedars Sinai eru hjartasjúkdómar eitt helsta banamein kvenna. 

www.mbl.is 16.04.2008