| Tóbak drepur miljarð á þessari öld |
| Þriðjudagur, 03. Júlí 2007 09:01 |
 1 miljarður manna deyr vegna tóbaksreykinga á þessari öld ef ekki verður gripið til róttækra aðgerða til þess að stöðva reykingar. Í nýrri skýrslu Alþjóða heilbrigðisstofnunarinnar segir að nauðsynlegt sé að ríkar og fátækar þjóðir taki höndum saman til þess koma í veg fyrir að svo margir deyi úr sjúkdómum sem reykingar valda.
Douglas Bettcher sem er í forystu baráttu heilbrigðisstofnunarinnar gegn tóbaksreykingum segir að tóbak sé mjög hættuleg vara sem drepi helming allra þeirra sem reyki. Verið sé að vinna að alheimsáætlun gegn reykingum á alþjóðlegri ráðstefnu sem nú sé hafin Bangkok. 
|