„Ég vissi af þessari súrefnisþurrð en tók sénsinn alveg hiklaust að ég myndi detta niður dauður í hvert sinn. Svo kom ég heim á nóttunni og sofnaði ekki fyrr en eftir marga klukkutíma því adrenalínið var alveg á fullu. Ég var iðulega fram á miðvikudag að jafna mig eftir vinnu helgarinnar,“ segir Jóhannes Kristjánsson eftirherma sem fyrir nokkrum vikum fékk grætt í sig nýtt hjarta.

Líf Jóhannesar hékk á bláþræði á liðnu sumri þegar hann fékk tvö hjartastopp á rúmri viku. Hjarta hans var það skaddað á eftir að hann þurfti að fá nýtt hjarta grætt í sig. Heppnin var með Jóhannesi því í sumarlok fannst hentugur hjartagjafi og hefur heilsa Jóhannesar farið síbatnandi eftir ígræðsluna. Hann á þó von á að þurfa að glíma við siðferðislegar spurningar og velta fyrir sér sjálfsmynd sinni með hjarta úr annarri manneskju þegar fram líða stundir.

Lesið viðtal við Jóhannes í helgarblaði DV sem kom út í morgun.

www.dv.is 08.10.2009