| Tvöfalt fleiri hættulega feitir |
| Mánudagur, 07. Febrúar 2011 00:00 |
 Tvöfalt fleiri eru hættulega feitir í dag en fyrir þrjátíu árum. Meira en hálfur milljarður karla og kvenna - nærri einn af hverjum níu fullorðnum í öllum heiminum telst vera of feitur.
Þetta kemur fram í rannsókn sem Imperial College í London, Harvard háskóla og Alþjóðaheilbrigðismálastofnunin unnu saman. Offita var síðast könnuð árið 2008 en þá kom í ljós að nærri ein af hverjum sjö konum og einn af hverjum tíu körlum væri of feitur. Hjartasjúkdómar, sykursýki og krabbamein eru á meðal þeirra sjúkdóma sem helst leggja of feitt fólk að velli fyrir aldur fram. Offituvandamálið er útbreiddast í Bandaríkjunum. Nýja Sjáland og Ástralía fylgja fast á eftir hjá konum en Bretland og Ástralía hjá körlum. Þá virðist offita vera að aukast í Miðausturlöndum. Ísland er í hópi þeirra vestur-Evrópu ríkja sem hefur hæsta hlutfall kólesteróls í heiminum. 
|